"Al is ek afgetakel na liggaam en gees,
God is my sterkte; aan Hom behoort ek vir altyd"
Psalm 73:26
ONS GRYSE JEUG - SASOLBURG
Ons Gryse Jeug Bejaardesorg in Sasolburg bied verblyf en versorging vir bejaardes wie onafhanklik kan lewe of wie vol-sorg nodig het. Ons Gryse Jeug beskik ook oor pragtige tuine wat netjies gehou word en tot die beskikking is van die bejaardes van die Sentrum.
Sasolburg is geleë op die suidelike oewer van die Vaalrivier en vorm deel van die Vaaldriehoek (Vanderbijlpark, Vereeniging en Sasolburg). Inwoners van Ons Gryse Jeug het daarom toegang tot groot stedelike geriewe maar kan steeds die rustigheid van ’n kleiner-dorp geniet. Die Sentrum is slegs 5km van die Netcare Vaalpark Hospitaal en bied ook nooddienste vir inwoners.
AKKOMMODASIE
Hetsy jy opsoek is na onafhanklike wooneenhede of hulp met verswakte sorg benodig, Ons Gryse Jeug Sentrum vir Bejaardes in Sasolburg sal jou kan help met opsies te koop of te huur.
Onafhanklike
Selfsorg woonstelle
Hierdie woonstelle is groot genoeg vir 1 persoon en bestaan uit ’n ruim kamer met kitchenette en badkamer. Dis ideaal vir persone wie onafhanklik kan lewe. Eenslaapkamer Woonstelle
Hierdie eenhede is groot genoeg vir 2 persone. Die slaapkamer het ’n en-suit badkamer en daar is ’n aparte sitkamer en kombuis
Meenthuise
Hierdie tweeslaapkamer woonstelle het ’n vol badkamer plus ’n gaste toilet. Elke eenheid het ’n klein erf of tuintjie asook ’n motorhuis en afdak.
Versorgings-
eenhede
Hierdie kamers deel ’n badkamer in die gang en ontvang semi-sorg. Dis vir persone wat op hul eie kan woon, maar soms een of ander vorm van bystand benodig. Dit sluit onder meer in hulp met klere aantrek, toediening van medikasie of bystand in die badkamer. Alle maaltye ingesluit.
7 x Enkelkamers – vol-sorg
Hierdie kamers deel ’n badkamer in die gang en ontvang vol-versorging dienste. Hier ontvang inwoners verswakte sorg, maaltye word voorsien. Dis gewoonlik persone wie bedlêend of rolstoelgebonde is. Ons opgeleide personeel help met die was en voeding van verswakte bejaarde inwoners. Alle maaltye ingesluit.
9 x Dubbelkamers – vol-sorg
Hierdie ruim kamers het 2 tot 4 beddens in ’n kamer en deel ’n badkamer in die gang. Inwoners ontvang hier vol-sorg. Alle maaltye ingesluit.
14 x Luukse kamers Hierdie besonderse ruim kamers het meer ingeboude kaste, ’n kitchenette en ’n en-suite-badkamer met ’n stort, toilet en wasbak. Alle maaltye ingesluit.
DIENSTE
Ons Gryse Jeug Sentrum vir Bejaardes bied 'n verskeidenheid dienste wat inwoners kan geniet. Hier is 'n lys van sommige van die dienste wat aan inwoners gebied word. Neem asseblief kennis dat addisionele fooie vir sommige van die dienste geld.
- 3 maaltye per dag
- Skoonmaak dienste
- Fisiese oefeninge aktiwiteite
- Bordspeletjies ( Rummy Cup, Bingo)
- Bidure en Bybelstudie
- Sondae uitsending van die kerkdiens
- Medikasie hantering
- Doeke en suurstof
- Noodknoppies regoor die oord
- Tuindienste instandhouding
- Biblioteek
- Haarsalon
- Wasgoed – daagliks
Kontak ons gerus vir meer inligting: